اجتماع مغلق !
قعدت انهاردة ساعتين مع مروان ابن عمتى .. فى اجتماع مغلق .. وكان الحوار اللى دار ما بيننا على غرار : هو انت كنت صغير ؟ أنت كنت ف مدرسة ؟ طب واللى كان قاعد هنا -مشيرا ل أحمد أخويا - كان ف مدرسة برضه ؟ هو أنت كنت بتعيط وانت صغير ؟ أنا شوفتك وانت صغير ! ...... مشكلتى مع مروان مش ف كدة خالص .. انا ممكن استحمل ده كله عادى -بغض النظر عن أخر معلومة قالهالى عن أنه هو شافنى وانا صغير - المشكلة الحقيقية تكمن ف انه بيعيد كل سؤال مرتين بدون أى فاصل زمنى !